Հայտնի է, թե ինչ նպատակի են ծառայելու Կառավարության կողմից Գեղարքունիքի մարզին հատկացված սուբվենցիոն միջոցները

ԳԱՎԱՌ, 31 ՀՈԿՏԵՄԲԵՐԻ, ԱՐՄԵՆՊՐԵՍ։ ՀՀ կառավարության 2024 թվականի հոկտեմբերի 31-ի հերթական նիստում որոշում է կայացվել 626 միլիոն 259,3 հազար դրամ հատկացնել Գեղարքունիքի մարզի 5 սուբվենցիոն ծրագրերի համար։ 

Գեղարքունիքի մարզպետի աշխատակազմի քաղաքաշինության, հողաշինության և ենթակառուցվածքների կառավարման վարչությունից «Արմենպրես»-ի թղթակցին  տեղեկացրին, թե ինչ նպատակներով են ծախսվելու հատկացված դրամական միջոցները: 

«34 միլիոն 170,2 հազար դրամը կուղղվի Մարտունի համայնքի Մարտունի քաղաքի,  Վարդենիկ, Զոլաքար, Աստղաձոր, Գեղհովիտ, Ն. Գետաշեն և Ձորագյուղ բնակավայրերի գազիֆիկացման աշխատանքներին։

84 միլիոն 751,2 հազար դրամ կուղղվի Մարտունի համայնքի Մարտունի քաղաքում  Արծվանիստ, Ծովինար, Վարդենիկ, Զոլաքար, Աստղաձոր, Վաղաշեն, Գեղհովիտ, Լեռնակերտ, Մադինա, Վ. Գետաշեն և Ձորագյուղ գյուղերում  ոռոգման ջրատարների կառուցման և վերանորոգման աշխատանքներին:

78 միլիոն 463,6 հազար դրամը կուղղվի Մարտունի համայնքի Մարտունի քաղաքի և Արծվանիստ, Վարդենիկ, Աստղաձոր, Վաղաշեն, Գեղհովիտ, Ն. Գետաշեն, Վ Գետաշեն, Մադինա, Լիճք, Ծակքար, Վարդաձոր և Երանոս գյուղերի  տարբեր փողոցների երթևեկելի հատվածների ասֆալտապատման աշխատանքներին։

143 միլիոն 821,5 հազար դրամն ուղղվելու է Մարտունի համայնքի  Արծվանիստ, Ծովինար, Վարդենիկ, Զոլաքար, Աստղաձոր, Վաղաշեն, Գեղհովիտ, Լեռնակերտ, Ն. Գետաշեն, Վ. Գետաշեն, Մադինա, Լիճք, Ծովասար, Ձորագյուղ, Վարդաձոր և Երանոս բնակավայրերում ոռոգման ջրատարների և Վարդենիկ, Աստղաձոր բնակավայրերում խորքային հորերի կառուցման աշխատանքներին։ 

285 միլիոն 052,8 հազար դրամ հատկացվել է  Մարտունի համայնքի  Արծվանիստ, Ծովինար, Զոլաքար /լրացուցիչ, Աստղաձոր, Լիճք, Ծակքար, Ձորագյուղ, Վարդաձոր, Վարդենիկ և Երանոս բնակավայրերում խմելու նոր ջրագծերի կառուցման և Վարդաձոր, Վարդենիկ և Ծովինար բնակավայրերում խմելու ջրի աղբյուրակապերի  կառուցման աշխատանքների համար»,- հայտնեցին մարզպետարանից:

Խոսրով Խլղաթյան