398.94
ԵԱՀԿ-ն հուսով է, որ Վրաստանի նորընտիր իշխանությունները երկիրը կմոտեցնեն ԵՄ-ին անդամակցության հետ կապված նպատակներին
1 րոպեի ընթերցում
ԵՐԵՎԱՆ, 27 ՀՈԿՏԵՄԲԵՐԻ, ԱՐՄԵՆՊՐԵՍ: ԵԱՀԿ-ն հուսով է, որ խորհրդարանական ընտրություններից հետո ընտրված Վրաստանի իշխանությունները հաշվի կառնեն բոլոր առաջարկությունները և կհաղթահարեն մարտահրավերները։
«Արմենպրես»-ի հաղորդմամբ` ինչպես փոխանցում է ՏԱՍՍ-ը, այս մասին մամուլի ասուլիսին հայտարարել է ԵԱՀԿ հատուկ համակարգող Պասկալ Ալիզարը:
«Ես ուզում եմ իմ անկեղծ հույս հայտնել, որ երեկ ընտրված ղեկավարությունը հաշվի կառնի առաջարկությունները, կդիմագրավի երկրի առջև ծառացած հիմնական մարտահրավերներին, և հուսով եմ, որ իշխանությունները Վրաստանին կմոտեցնեն այն նպատակներին, որոնք կապված են Եվրամիությանն անդամակցության հետ»,- ասել է Ալիզարը։
Բաժանորդագրվեք մեր ալիքին Telegram-ում