1 րոպեի ընթերցում
ԵՐԵՎԱՆ, 13 ՀՈԿՏԵՄԲԵՐԻ, ԱՐՄԵՆՊՐԵՍ: Երևանի քաղաքապետ Տիգրան Ավինյանը ներկայացրել է ՀՀ մայրաքաղաքի 2806-ամյակի տոնակատարության միջոցառումները:
«Արմենպրես»-ի հաղորդմամբ` Սախարովի հրապարակում նախատեսված են սպորտային միջոցառումներ, Շառլ Ազնավուրի հրապարակում՝ էստրադային համերգ, Հյուսիսային պողոտայում՝ Գինու փառատոն, Կասկադում՝ ջազային, իսկ Դիանա Աբգարի այգում՝ ռոք համերգներ, ինչպես նաև Գարեջրի փառատոն:
«Այս ամենն ամփոփվելու է Հանրապետության հրապարակում 21:00-ին գալա համերգով: Այժմ մենք գնալու ենք սպորտային միջոցառման Հրազդանի կիրճում, որտեղ մենք ազդարարելու ենք նոր սպորտային նախագծի կառուցման սկիզբը»,- հավելեց Ավինյանը: