368.54
Արտադպրոցական կրթության ոլորտում ներառականության ապահովումը մեր կարևոր խնդիրներից է. ԿԳՄՍ նախարար
1 րոպեի ընթերցում
ԵՐԵՎԱՆ, 2 ՀՈԿՏԵՄԲԵՐԻ, ԱՐՄԵՆՊՐԵՍ: Արտադպրոցական կրթության ոլորտում ներառականության ապահովումը պետության՝ ի դեմս Կրթության, գիտության, մշակույթի և սպորտի նախարարության կարևոր խնդիրներից է:
«Արմենպրես»-ի փոխանցմամբ՝ այս մասին նշեց ԿԳՄՍ նախարար Ժաննա Անդրեասյանն՝ ԱԺ–ում կառավարության հետ հարցուպատասխանին:
«Արտադպրոցական կրթության ոլորտում ներառականության ապահովումը մեր կարևոր խնդիրներից է: Եվ մենք փորձում ենք դա իրականացնել մեր մի շարք ծրագրերի միջոցով»,– ասաց նախարարը:
Անդրեասյանը հայտնեց, որ անցկացվում է վերապատրաստումների դասընթաց՝ նախատեսված արվեստի, գեղարվեստի, երաժշտական և այլ արտադպրոցական հաստատությունների մանկավարժների համար: Այդ դասընթացներում մասնագետները սովորեցնում ու սովորում են, թե ինչպես է պետք ապահովել նաև կրթության առանձնահատուկ պայմանների կարիք ունեցող երեխաների արտադպրոցական կրթությունը:
Նրա վստահեցմամբ՝ կան նաև առանձին նախագծեր ու ծրագրեր, որոնք ուղղված են կրթության ոլորտում կրթության առանձնահատուկ պայմանների կարիք ունեցող երեխաների ներգրավմանը: Նախարարը, սակայն, նշեց ունեցած կարողությունների լուրջ խնդրի մասին:
Բաժանորդագրվեք մեր ալիքին Telegram-ում