Իսրայելը հարված է հասցրել Բեյրութին

2 րոպեի ընթերցում

ԵՐԵՎԱՆ, 24 ՍԵՊՏԵՄԲԵՐԻ, ԱՐՄԵՆՊՐԵՍ: Իսրայելը հարված է հասցրել Լիբանանի մայրաքաղաք Բեյրութին: «Արմենպրես»-ի փոխանցմամբ՝ այս մասին հայտնել է Իսրայելի պաշտպանության բանակը (ԻՊԲ):

«ԻՊԲ-ն թիրախային հարված է հասցրել Բեյրութին։ Մանրամասները կհաջորդեն», - գրել է ԻՊԲ-ն իր Telegram ալիքում։

Իր հերթին The Times of Israel-ը, հղում անելով լիբանանյան լրատվամիջոցներին, հաղորդում է, որ հարվածը հասցվել է ոչ թե Լիբանանի մայրաքաղաքին, այլ նրա հարավային արվարձան Դահիային, որը համարվում է «Հեզբոլլահ»-ի հենակետը:

ԻՊԲ-ն մեկ այլ հաղորդագրության մեջ նշում է, որ վերջին մեկ օրվա ընթացքում «շուրջ 2000 զինամթերք է օգտագործել, որպեսզի հարվածներ հասցնի ահաբեկչական ենթակառուցվածքի գրեթե 1500 թիրախի Լիբանանի հարավում և Լիբանանի տարածքի խորքերում»։

«ԻՊԲ-ի կործանիչները շարունակում են իրենց գործունեությունը՝ հարվածներ իրականացնելով նույնիսկ այս պահին», - նշված է հաղորդագրության մեջ։

Սեպտեմբերի 23-ին ԻՊԲ-ն սկսել է «Հյուսիսի նետեր» գործողությունը, որի շրջանակներում ռազմաօդային ուժերը հարվածներ են հասցնում Լիբանանում գտնվող «Հեզբոլլահ»-ի օբյեկտներին: Մասնավորապես, ԻՊԲ-ն գրոհում է տեղի բնակիչների տների վրա, որոնցում, բանակի տվյալներով, կարող են պահվել խմբավորման զենքերը։ Հարձակումից առաջ Իսրայելը հաղորդագրություններ էր ուղարկել լիբանանցիներին՝ կոչ անելով լքել իրենց տները։ Տասնյակ հազարավոր մարդիկ տեղահանվել են։

Լիբանանի առողջապահության նախարարության տվյալներով՝ իսրայելական հարձակումների հետևանքով զոհվել է 558 մարդ, ևս 1800 մարդ վիրավորվել է։

Մերձավոր Արևելք

Լիբանանի հարավում իսրայելական ավիահարվածների զոհերի թիվը հասել է 558-ի

 

Հայերեն Русский

Հայաստանն ու Եգիպտոսը քննարկել են առևտրի ոլորտում համագործակցությունը խորացնելու հեռանկարները

Հայաստանի պատմության թանգարանն ու Աթենքի ազգային հնագիտական թանգարանը համատեղ ցուցահանդեսներ կիրականացնեն

Վահան Կոստանյանը հանդիպել է ՄԱԿ-ի գլխավոր քարտուղարի՝ Սիրիայի հարցերով հատուկ բանագնացի տեղակալի հետ

ՀՀ պաշտպանության նախարարի տեղակալն այցելել է մի շարք զորամասեր

Ռազմական ոստիկանության պետն աշխատանքային խորհրդակցություն է անցկացրել

Հրապարակվել են նոյեմբերի 29-ին կայանալիք ՏԻՄ ընտրությունների վերջնական ցուցակները

Հայաստանում առաջիկա օրերին սպասվում են տեղումներ, օդի ջերմաստիճանը զգալիորեն կնվազի

Արմավիրի մարզի մի շարք բնակավայրերում փորձարկվելու են էլեկտրական շչակներ

Փրկարարներն արձագանքել են քամու հետևանքով գրանցված դեպքերին

Վահան Կոստանյանը Նեապոլում հանդիպել է Իտալիայի խորհրդարանի արտաքին հարաբերությունների հանձնաժողովի նախագահի հետ