Արարատ Միրզոյանը Չեռնոգորիայի իր գործընկերոջ հետ քննարկել է երկկողմ օրակարգի ընդլայնմանն ուղղված քայլեր

ԵՐԵՎԱՆ, 24 ՍԵՊՏԵՄԲԵՐԻ, ԱՐՄԵՆՊՐԵՍ։ Հայաստանի Հանրապետության արտաքին գործերի նախարար Արարատ Միրզոյանը Նյու Յորքում անցկացվող ՄԱԿ-ի Ապագայի գագաթնաժողովի շրջանակներում հանդիպում է ունեցել Չեռնոգորիայի արտաքին և եվրոպական հարցերով փոխվարչապետ Ֆիլիպ Իվանովիչի հետ։

«Արմենպրես»-ի փոխանցմամբ՝ այս մասին նշված է ՀՀ ԱԳ նախարարի X-ի միկրոբլոգում կատարված գրառման մեջ։

Glad to meet my 🇲🇪counterpart @fivanovicpg. @MFA_MNE

Discussed concrete steps to further enhance bilateral agenda, including tourism, P2P, innovative education.

Exchanged views on deepening partnership w/EU & regional dynamics, 🇦🇲’s vision for more stable #SouthCaucasus. pic.twitter.com/nql2kYkTMv

— Ararat Mirzoyan (@AraratMirzoyan) September 23, 2024

«Ուրախ եմ հանդիպել Չեռնոգորիայի իմ գործընկերոջ հետ։

Քննարկվեցին երկկողմ օրակարգի հետագա ընդլայնմանն ուղղված կոնկրետ քայլեր, ներառյալ՝ զբոսաշրջությունը, ժողովուրդների միջև շփումը, նորարարական կրթությունը», - իր գրառման մեջ նշել է Արարատ Միրզոյանը՝ հավելելով, որ հանդիպման ընթացքում նաև մտքեր են փոխանակվել ԵՄ-ի և տարածաշրջանային զարգացումների հետ գործընկերության խորացման, ինչպես նաև Հայաստանի՝ ավելի կայուն Հարավային Կովկասի տեսլականի շուրջ։