ՀՀ-ում Գերմանիայի դեսպանն այցելել է Իջևանում տեղակայված ԵՄ դիտորդական առաքելություն

ԵՐԵՎԱՆ, 23 ՍԵՊՏԵՄԲԵՐԻ, ԱՐՄԵՆՊՐԵՍ։ ՀՀ-ում Գերմանիայի արտակարգ և լիազոր դեսպան Կլաուդիա Բուշը, Գերմանիայի խորհրդարանի և Ֆրիդրիխ Էբերտ հիմնադրամի պատվիրակության անդամներն օրերս այցելել են Իջևանում տեղակայված Հայաստանում Եվրոպական միության դիտորդական առաքելություն: 

«Արմենպրես»-ի փոխանցմամբ՝ այս մասին նշված է առաքելության X-ի միկրոբլոգում տարածած գրառման մեջ։

Honoured to host H.E. Claudia Busch, Ambassador of 🇩🇪 to Armenia, along with a delegation from the German Parliament and @FESonline in Ijevan last week. Productive discussions with our monitors on the latest delimitation process and the Mission's valuable work on the ground.🇪🇺 pic.twitter.com/BHZ78HzJsR

— European Union Mission in Armenia (@EUmARMENIA) September 23, 2024

«Պատիվ էր Իջևանում նախորդ շաբաթ հյուրընկալել Հայաստանում Գերմանիայի դեսպան Կլաուդիա Բուշին, Գերմանիայի խորհրդարանի և  Ֆրիդրիխ Էբերտ հիմնադրամի պատվիրակությանն», - իր գրառման մեջ նշել է ԵՄ դիտորդական առաքելությունը՝ հավելելով, որ կողմերի միջև տեղի է ունեցել արդյունավետ քննարկում՝ կապված սահմանազատման վերջին գործընթացի և տեղում՝ առաքելության արժեքավոր աշխատանքի վերաբերյալ: