Հայաստանում Արգենտինայի և Գերմանիայի դեսպանությունները շնորհավորել են համայն հայությանը Անկախության օրվա կապակցությամբ
1 րոպեի ընթերցում
ԵՐԵՎԱՆ, 21 ՍԵՊՏԵՄԲԵՐԻ, ԱՐՄԵՆՊՐԵՍ։ Հայաստանում Արգենտինայի և Գերմանիայի դեսպանությունները շնորհավորական ուղերձ են հղել համայն հայությանն Անկախության օրվա կապակցությամբ։
«Արմենպրես»-ի հաղորդմամբ՝ «Արգենտինայի դեսպանության «X»-ի միկրոբլոգում հրապարակված շնորհավորական ուղերձում նշված է.
«Հայաստանի Անկախության օրվա առթիվ Հայաստանում Արգենտինայի դեսպանությունը սիրով շնորհավորում է համայն հայությանը այս խորհրդանշական օրվա կապակցությամբ։ Շնորհավոր Անկախությանդ տոնը, Հայաստա՛ն»,-նշված է ուղերձում։
Գերմանիայի դեսպանության ուղերձում ընդգծված է, որ Գերմանիան կշարունակի ուղեկցել Հայաստանին խաղաղության, կայունության և բարեկեցության հասնելու ճանապարհին:
«Սրտանց շնորհավորում ենք Անկախության տոնի առթիվ, Հայաստա՛ն։ Գերմանիան մաղթում է ամենայն բարիք և կշարունակի ուղեկցել Ձեզ ժողովրդավարական բարեփոխումների ճանապարհով խաղաղության, կայունության և բարեկեցության հասնելու Ձեր մղումներում»: