368.54
ԿԳՄՍ նախարարությունը «Լավագույն մշակութային վերջին զանգ» անվանմամբ մրցույթ է հայտարարելու
1 րոպեի ընթերցում
ԵՐԵՎԱՆ, 13 ՍԵՊՏԵՄԲԵՐԻ, ԱՐՄԵՆՊՐԵՍ։ Կրթության, գիտության, սպորտի և մշակույթի նախարար Ժաննա Անդրեասյանը կարևորեց դպրոցներում «Վերջին զանգ»-ի արարողությունների բովանդակային և արժեքային փոփոխությունը։ «Արմենպրես»-ի հաղորդմամբ՝ մամուլի ասուլիսի ժամանակ նա ասաց, որ դպրոցներում «Վերջին զանգ» անցկացնելիս՝ կարիք կա քաղքենիական միջավայրից անցում կատարելու իրական արժեքներին։
«Միջոցառումներին ներգրավելու ենք մշակույթի ոլորտի մասնագետներին։ Հայտարարելու ենք մրցույթ՝ լավագույն մշակութային «Վերջին զանգ» անվանմամբ, որին, իհարկե, մասնակցությունը դպրոցների շրջանում լինելու է կամավոր, բայց նաև դրա միջոցով կխրախուսենք այն միջավայրը, որը թույլ կտա, որ մեր երեխաները ստեղծագործեն շատ ավելի լավ, քան գրված պատրաստի և ոչինչ չասող սցենարներն են, և կարող են դպրոցի բեմից ելույթ ունենալ շատ ավելի որակյալ, քան դա կարող են անել որևէ մեկի կողմից գրված և իրենց տրված պատրաստի խոսքերով։ Եվ հենց այս որակները կփորձենք խրախուսել»,- ընդգծեց Անդրեասյանը։
Բաժանորդագրվեք մեր ալիքին Telegram-ում