1 րոպեի ընթերցում
Former U.S. President Donald Trump in New York City, U.S. May 30, 2024 and U.S. Vice President Kamala Harris in Washington, U.S., July 22, 2024 in a combination of file photos. REUTERS/Eduardo Munoz, Nathan Howard/File Photo
ԵՐԵՎԱՆ, 10 ՍԵՊՏԵՄԲԵՐԻ, ԱՐՄԵՆՊՐԵՍ։ ԱՄՆ Հանրապետական կուսակցության նախագահի թեկնածու Դոնալդ Թրամփը և Դեմոկրատական կուսակցության թեկնածու Քամալա Հարիսը սեպտեմբերի 10-ին, տեղական ժամանակով 21:00-ին կանցկացնեն իրենց առաջին և, հնարավոր է, միակ բանավեճը, որը կարող է շատ կարևոր դեր ունենալ նախագահական ընտրապայքարում։ «Արմենպրես»-ի փոխանցմամբ՝ այս մասին հաղորդում է Reuters գործակալությունը։
Բանավեճը կազմակերպվել է ABC News հեռուստաընկերության կողմից՝ նոյեմբերի 5-ին կայանալիք նախագահական ընտրություններից ութ շաբաթ առաջ։ Երկու թեկնածուների միջև շատ լարված պայքար է ընթանում, և ընտրությունների արդյունքը դեռ կանխատեսելի չէ։
Որոշ նահանգներում բանավեճից ընդամենը մի քանի օր անց կսկսվի վաղաժամկետ քվեարկությունը։
90-րոպեանոց բանավեճը կանցկացվի Ֆիլադելֆիայի Ազգային սահմանադրության կենտրոնում։ Ըստ կողմերի միջև ձեռք բերված համաձայնության՝ բանավեճին հանդիսատես ներկա չի լինի, իսկ թեկնածուներից մեկի ելույթի ժամանակ մյուսի խոսափողն անջատված կլինի։