Զորամասերից մեկի պահպանության տեղամասում հայտնաբերվել է զինծառայող Էդգար Ալեքսանյանի դին

ԵՐԵՎԱՆ, 2 ՍԵՊՏԵՄԲԵՐԻ, ԱՐՄԵՆՊՐԵՍ: ՀՀ ՊՆ N զորամասի պահպանության տեղամասում սեպտեմբերի 2-ին՝ ժամը 10:10-ի սահմաններում հայտնաբերվել է զինծառայող Էդգար Սարգսի Ալեքսանյանի դին՝ հրազենային վնասվածքով:

Ինչպես «Արմենպրես»-ին տեղեկացրին ՀՀ պաշտպանության նախարարությունից, դեպքի հանգամանքներն ամբողջովին պարզելու նպատակով ընթանում է քննություն:

Պաշտպանության նախարարությունը վշտակցում և զորակցություն է հայտնել զինծառայողի ընտանիքի անդամներին, հարազատներին ու ծառայակից ընկերներին: