Հայաստանում օդի ջերմաստիճանը կբարձրանա 2-4 աստիճանով. սպասվում է առանց տեղումների եղանակ, մի շարք շրջաններում՝ բարձր կարգի հրդեհավտանգ իրավիճակ
1 րոպեի ընթերցում
![Հայաստանում օդի ջերմաստիճանը կբարձրանա 2-4 աստիճանով. սպասվում է առանց տեղումների եղանակ, մի շարք շրջաններում՝ բարձր կարգի հրդեհավտանգ իրավիճակ](http://armenpress.am/resized/480/storage/images/articles/2024/09/01/1xJrTrnPLij1f9WthlK2B1AuAO1pFyLmyXRD80Kf.webp)
ԵՐԵՎԱՆ, 1 ՍԵՊՏԵՄԲԵՐԻ, ԱՐՄԵՆՊՐԵՍ: Շիրակում, Արագածոտնի, Կոտայքի, Վայոց ձորի նախալեռներում, Արարատյան դաշտում, Սյունիքի հովիտներում առաջիկա 5 օրերին սպասվում է բարձր կարգի հրդեհավտանգ իրավիճակ: «Արմենպրես»-ին այս մասին տեղեկացրին ՀՀ շրջակա միջավայրի նախարարության Հիդրոօդերևութաբանության և մոնիթորինգի կենտրոնից։
Ըստ աղբյուրի՝ սեպտեմբերի 1-ի ցերեկը, 2-6-ին սպասվում է առանց տեղումների եղանակ։
«Քամին՝ հարավարևելյան՝ 2-5 մ/վ, ամպրոպի ժամանակ սպասվում է քամու ուժգնացում` 17-20մ/վ արագությամբ: Սեպտեմբերի 1-2-ին, 5-6-ին երեկոյան ժամերին Արմավիրում, Կոտայքի և Արագածոտնի նախալեռներում սպասվում է քամու ուժգնացում՝ 14-18մ/վ արագությամբ։ Օդի ջերմաստիճանը սեպտեմբերի 1-3-ին աստիճանաբար կբարձրանա 2-4 աստիճանով»,- ասվում է հաղորդագրության մեջ։
Երևանում սեպտեմբերի 1-ի ցերեկը, 2-6-ին սպասվում է առանց տեղումների եղանակ։ Սեպտեմբերի 1-2-ին, 5-6-ին երեկոյան ժամերին սպասվում է քամու ուժգնացում` 14-16 մ/վ արագությամբ։