ՀՀ ԱԳՆ-ն ուղերձ է հղել Բռնի անհետացման զոհերի միջազգային օրվա կապակցությամբ

ԵՐԵՎԱՆ, 30 ՕԳՈՍՏՈՍԻ, ԱՐՄԵՆՊՐԵՍ։ Հայաստանի արտաքին գործերի նախարարությունը ուղերձ է հղել Բռնի անհետացման զոհերի միջազգային օրվա կապակցությամբ։  

«Բռնի անհետացումների զոհերի միջազգային օրը մենք հարգում ենք նրանց հիշատակը, ովքեր անարդարացիորեն տարվել են և զրկվել իրենց իրավունքներից: Հայաստանը գիտի բռնի անհետացման խորը ցավը և հավատարիմ է մնում բոլոր զոհերի և նրանց ընտանիքների համար արդարություն փնտրելուն», - «Արմենպրես»-ի փոխանցմամբ՝ նշված է ԱԳ նախարարության X-ի միկրոբլոգում կատարված գրառման մեջ։ 

On International Day of the Victims of Enforced Disappearances, we honor those unjustly taken & denied their rights. #Armenia knows the deep pain of enforced disappearances & remains committed to seeking justice for all victims & their families.@UN @ICRC pic.twitter.com/eXwFMfiZ3E

— MFA of Armenia🇦🇲 (@MFAofArmenia) August 30, 2024

Միավորված ազգերի կազմակերպության Գլխավոր ասամբլեայի կողմից 2010 թվականից օգոստոսի 30-ը սահմանված է որպես Բռնի անհետացումների զոհերի օր։