Ալիևը Զելենսկիին խոստացել է՝ կշարունակեն օգնել Ուկրաինային
1 րոպեի ընթերցում
![Ալիևը Զելենսկիին խոստացել է՝ կշարունակեն օգնել Ուկրաինային](http://armenpress.am/resized/480/storage/images/articles/2024/08/24/gd06bVYnlfV1S8n5bT6ijBhhcxepN938vXxTBb2k.webp)
ԵՐԵՎԱՆ, 24 ՕԳՈՍՏՈՍԻ, ԱՐՄԵՆՊՐԵՍ: Ադրբեջանի նախագահ Իլհամ Ալիևը Ուկրաինայի Անկախության օրվա առիթով շնորհավորական նամակ է հղել նախագահ Վլադիմիր Զելենսկիին՝ շեշտելով Ուկրաինայի տարածքային ամբողջականության ճանաչման և օգնությունը շարունակելու պատրաստակամության մասին:
«Արմենպրես»-ի փոխանցմամբ՝ այս մասին հայտնում են ադրբեջանական լրատվամիջոցները:
«Ադրբեջանը և Ուկրաինան փոխադարձ աջակցություն և համերաշխություն են ցուցաբերում՝ տարածքային ամբողջականության և ինքնիշխանության հարցերում՝ ՄԱԿ-ի կանոնադրությանը, միջազգային իրավունքի սկզբունքներին համապատասխան։ Մենք մտադիր ենք շարունակել գործադրել բոլոր ջանքերը՝ Ուկրաինայի բարեկամ ժողովրդին անհրաժեշտ մարդասիրական աջակցություն և օգնություն ցուցաբերելու համար»,- նամակում գրել է Ալիևը։