Հայաստանի փոխվարչապետն ու Իրանի դեսպանը քննարկել են երկկողմ հարաբերությունների օրակարգի առանցքային հարցեր

ԵՐԵՎԱՆ, 16 ՕԳՈՍՏՈՍԻ, ԱՐՄԵՆՊՐԵՍ։  Հայաստանի Հանրապետության փոխվարչապետ Մհեր Գրիգորյանն ընդունել է Հայաստանում Իրանի Իսլամական Հանրապետության դեսպան Մեհդի Սոբհանիին:

«Արմենպրես»-ի փոխանցմամբ՝այս մասին հայտնում է ՀՀ կառավարության մամուլի ծառայությունը։

Վերջինիս հաղորդմամբ՝ հանդիպման ընթացքում կողմերը քննարկել են հայ-իրանական երկկողմ հարաբերությունների օրակարգի առանցքային հարցերը, անդրադարձ է կատարվել նաև ԵԱՏՄ շրջանակներում համագործակցության խորացման հեռանկարներին:

Զրուցակիցներն անդրադարձել են նաև տարածաշրջանային զարգացումներին: