Իլոն Մասկը Spaces հարթակում զրուցել է Դոնալդ Թրամփի հետ

4 րոպեի ընթերցում

ԵՐԵՎԱՆ, 13 ՕԳՈՍՏՈՍԻ, ԱՐՄԵՆՊՐԵՍ։ Աշխարհի ամենահարուստ մարդը՝ Իլոն Մասկը, իրեն պատկանող X սոցիալական հարթակում զրուցել է ԱՄՆ հանրապետական կուսակցության նախագահի թեկնածու Դոնալդ Թրամփի հետ, տեղեկացնում է «Արմենպրես»-ը։

Տեխնիկական խնդիրների պատճառով նրանց զրույցը սկսվել է 40 րոպեից ավելի ուշացումով։ Թրամփը և Մասկը զրույցել են շուրջ 2 ժամ՝ քննարկելով ներգաղթը, կլիմայի փոփոխությունը, ԱՄՆ տնտեսությունը, Փենսիլվանիայում նախընտրական հանրահավաքի ժամանակ նախկին նախագահի դեմ իրականացված մահափորձը և բազմաթիվ այլ հարցեր։ Թրամփը նաև քննադատել է ԱՄՆ Դեմոկրատական կուսակցության թեկնածու Քամալա Հարիսին։

Ըստ Մասկի՝ զրույցի նպատակն էր այն, որ անկախ քվեարկողները, որոնք դեռ որոշում չեն կայացրել, կողմնորոշվեն, թե ում օգտին են քվեարկելու նոյեմբերին կայանալիք նախագահական ընտրություններում։ 

Թրամփն ասել է, որ ներքին սպառնալիքներն ավելի վտանգավոր են, քան արտերկրից, մասնավորապես՝ Չինաստանից և Ռուսաստանից եկող սպառնալիքները։ Նա նաև համարում է, որ Վաշինգտոնը չպետք է թույլ տա, որ Ռուսաստանի և Չինաստանի շահերը համընկնեն։ 

Միևնույն ժամանակ նա Ռուսաստանի, Չինաստանի և Հյուսիսային Կորեայի ղեկավարներին անվանել է «լավագույնն իրենց գործի մեջ»։

Իսկ մարդկության գլխավոր սպառնալիք Թրամփն անվանել է ոչ թե գլոբալ տաքացումը, այլ «միջուկային տաքացումը», քանի որ մի շարք երկրներ ունեն զգալի միջուկային զինանոց։ 

Ինչ վերաբերում է կլիմայի փոփոխությանը, Թրամփն այն չի համարել սպառնալիք, այլ հակառակը՝ պնդել, որ ծովի մակարդակի բարձրացումը կստեղծի ավելի շատ «ափամերձ սեփականություն»։ Այս պնդումը լայնորեն քննադատվել է ԶԼՄ-ների կողմից, որոնք նշում են, որ ծովի մակարդակի բարձրացումը, հակառակը, ոչնչացնում է ափամերձ սեփականությունը, ինչպես նաև ափամերձ համայնքները՝ դառնալով մարդկանց արտագաղթի ևս մեկ պատճառ։ 

Ի դեպ, Թրամփը նաև պատրաստակամություն է հայտնել ընտրություններում հաղթանակի դեպքում Իլոն Մասկին ընդգրկել իր ապագա վարչակազմում, երբ Մասկն առաջ է քաշել Կառավարության արդյունավետության հանձնաժողով ստեղծելու գաղափարը։ Մասկը նշել է, որ նման հանձնաժողովը կերաշխավորեր, որ հարկատուների գումարները ճիշտ են ծախսվում, և որ ինքն ուրախ կլիներ օգնել նման հանձնաժողովի աշխատանքներում։ 

Tesla-ի սեփականատեր Իլոն Մասկի և ԱՄՆ նախկին նախագահ Դոնալդ Թրամփի զրույցը, ըստ Մասկի ներկայացրած վերջին տվյալների, լսել է շուրջ 16,4 միլիոն մարդ: Զրույցից հետո Մասկն X-ում գրել է, որ սիրով Spaces հարթակում կհյուրընկալեր նաև Քամալա Հարիսին։ 

Մասկն այս ընտրարշավի ընթացքում իր աջակցությունն է հայտնել Թրամփին։ Ժամանակին, սակայն, նա քննադատում էր Թրամփին կլիմայի փոփոխության դեմ պայքարին պատշաճ ուշադրություն չդարձնելու համար։ 2017 թվականին՝ Թրամփի նախագահությունից 5 ամիս անց, Մասկը հրաժարվել է Սպիտակ տանը խորհրդատվական պաշտոնից, քանի որ Թրամփը Վաշինգտոնը դուրս էր բերել Փարիզի համաձայնագրից, որն ուղղված է կլիմայի փոփոխությունը զսպելուն։

Հայերեն Русский

Թբիլիսիում գազի պայթյունից հետո փլատակներից դուրս է բերվել վեցերորդ զոհի մարմինը

Հայկ Մարտիրոսյանը «Total Chess»-ի հերթական խաղում հաղթել է հնդիկ գրոսմայստեր Արջուն Էրիգաիսին

Երեք գերտերությունների մոտ համատեղ գործելու ձգտում կա, սակայն դժվարություններն էլ շատ են․ Գարիկ Քեռյան

Ուիթքոֆն արդյունավետ է որակել Բեռլինում եվրոպացիների հետ բանակցություններն Ուկրաինայի հարցով

Ազգային ժողովի նիստ. ՈՒՂԻՂ

Երևանի քաղաքապետարանը սկսում է համագործակցություն SatisfAI-ի հետ. քաղաքային ծառայություններում կներդրվի արհեստական բանականություն

Նարեկ Մկրտչյանը Դոնալդ Թրամփի Մար-ա-Լագոյի առանձնատանը մասնակցել է Վետերանների ազգային օրվան նվիրված միջոցառմանը

Օլիմպիական վարկանիշային մրցաշարին Հայաստանից կմասնակցի 3 ծանրորդ

ՊԵԿ-ը որոշ ապրանքատեսակների համար իրականացնում է նույնականացման միջոցներով դրոշմավորման փորձնական ծրագիր

Զելենսկին Բեռլինում քննարկումներ է անցկացրել ԱՄՆ նախագահի բանագնացների հետ