Երևանի քաղաքապետի տեղակալ Սարգիս Մադաթյանն այցելել է ավտովթարից տուժած քաղաքացիներին
1 րոպեի ընթերցում
![Երևանի քաղաքապետի տեղակալ Սարգիս Մադաթյանն այցելել է ավտովթարից տուժած քաղաքացիներին](http://armenpress.am/resized/480/storage/images/articles/2024/08/12/f05Kr1y6MsRfw4pM5nLOEVETqkXHpoROMT3JCkWY.webp)
ԵՐԵՎԱՆ, 12 ՕԳՈՍՏՈՍԻ, ԱՐՄԵՆՊՐԵՍ: Երևանի քաղաքապետի տեղակալ Սարգիս Մադաթյանն այցելել է «Հերացի» թիվ 1 հիվանդանոցային համալիր և հանդիպել օգոստոսի 11-ին Հերացու փողոցում բեռնատարի և հ.36 ավտոբուսային երթուղու բախման հետևանքով տուժած քաղաքացիներին:
Ինչպես «Արմենպրես»-ին տեղեկացրին Երևանի քաղաքապետարանից, փոխքաղաքապետին տեղեկություններ են ներկայացվել նրանց բուժման ընթացքի մասին: Սարգիս Մադաթյանն անձամբ զրուցել է տուժածների հետ, հետաքրքրվել նրանց առողջական վիճակով և մաղթել շուտափույթ ապաքինում:
ՀՀ առողջապահության նախարարության տվյալներով՝ Հերացի փողոցում ճանապարհատրանսպորտային պատահարի հետևանքով բժշկական տարբեր կենտրոններ են հոսպիտալացվել 18 քաղաքացի: Տուժածներից 2-ի առողջական վիճակը շարունակում է մնալ կայուն ծանր, 7-ինը` միջին ծանրության: 9 քաղաքացի անհրաժեշտ բուժօգնություն ստանալուց հետո դուրս է գրվել: