Մեծ է հավանականությունը, որ կհեռանամ Հայաստանի ծանրամարտի հավաքականի գլխավոր մարզչի պաշտոնից. Փաշիկ Ալավերդյան

ՓԱՐԻԶ, 12 ՕԳՈՍՏՈՍԻ, ԱՐՄԵՆՊՐԵՍ։ Հայաստանի ծանրամարտի հավաքականի գլխավոր մարզիչ Փաշիկ Ալավերդյանը հայտարարել է, որ մեծ է հավանականությունը, որ կհեռանա պաշտոնից։ 

«Արմենպրես»-ի թղթակցի փոխանցմամբ՝ Փաշիկ Ալավերդյանն այդ մասին ասել է լրագրողների հետ զրույցում։ 

«Ես գտել եմ ինձ փոխարինողին ու մեծ է հավանականությունը, որ կհեռանամ այստեղից:  Գուցե, եկել է ժամանակը, որ հրաժեշտ տամ հայկական ծանրամարտին»,-շեշտեց նա: 

Ալավերդյանն առաջարկներ ունի մի քանի երկրից, այդ թվում՝ Չինաստանից։