«Մայր Հայաստան» հուշարձանը կունենա նոր գեղարվեստական լուսավորություն

ԵՐԵՎԱՆ, 8 ՕԳՈՍՏՈՍԻ, ԱՐՄԵՆՊՐԵՍ: «Մայր Հայաստան» հուշարձանի գեղարվեստական լուսավորությունն արդիականացվում է:

«Արմենպրես»-ի փոխանցմամբ՝ այս մասին հայտնում են Երևանի քաղաքապետարանից, մանրամասնելով, որ նախկին մետաղահալոգեն լամպերը փոխարինվում են նոր էներգախնայող լեդ լուսարձակներով:

Տեղադրվում են 2400 վատտ հզորությամբ 4 լուսարձակներ, որոնք կապահովեն հուշարձանի ամբողջական լուսավորումը: