Հայտնաբերվել է Աղստև գետում ջրահեղձ եղած երկրորդ քաղաքացու դին
1 րոպեի ընթերցում
![Հայտնաբերվել է Աղստև գետում ջրահեղձ եղած երկրորդ քաղաքացու դին](http://armenpress.am/resized/480/storage/images/articles/2024/08/07/PH7rRN7XPGuGqdIpID2sWXQhC87SA530m1ZOGk14.webp)
ԵՐԵՎԱՆ, 7 ՕԳՈՍՏՈՍԻ, ԱՐՄԵՆՊՐԵՍ: Տավուշի մարզի Ազատամուտ գյուղում որոնողական աշխատանքներն ավարտվել են: Ինչպես «Արմենպրես»-ը տեղեկանում է Փրկարար ծառայության տարածած հաղորդագրությունից, փրկարարները հայտնաբերել են ջրահեղձ եղած երկրորդ քաղաքացու դին:
«Երկօրյա որոնողական աշխատանքների արդյունքում օգոստոսի 7-ին, ժամը 07։10-ին փրկարարները ջրահեղձման վայրից մոտ 600 մ հեռավորության վրա՝ գետում, հայտնաբերել են Ա․ Բ․-ի դին (ծնված 1990 թ.) և դուրս բերել ափ»,- նշված է հաղորդագրության մեջ:
Ճգնաժամային կառավարման ազգային կենտրոն օգոստոսի 5-ին ժամը 15:14-ին տեղեկություն է ստացվել, որ Տավուշի մարզի Ազատամուտ գյուղում երկու քաղաքացի մտել են Աղստև գետը լողալու և կորել տեսադաշտից։
Նույն օրը փրկարարները և ջրափրկարարները գետից հայտնաբերել և ափ են դուրս բերել Հ․ Է․-ի (ծնված 1990 թ․) ջրահեղձված դին