1 րոպեի ընթերցում
ԵՐԵՎԱՆ, 30 ՀՈՒԼԻՍԻ, ԱՐՄԵՆՊՐԵՍ: Հնդկաստանի Կերալայի հարավային նահանգում սողանքների զոհերի թիվը հասել է առնվազն 93-ի։ «Արմենպրես»-ի փոխանցմամբ՝ այս մասին հաղորդում է Hindustan Times պարբերականը։
Ավելի վաղ հաղորդել էինք 54 զոհի մասին։
Իշխանությունները հուլիսի 30-ը և 31-ը սգո օրեր են հայտարարել նահանգում։ Զոհերի թիվը կարող է աճել, քանի որ շատ բնակիչներ դեռ անհետ կորած են: Փրկվել է ավելի քան 250 մարդ։
Հուլիսի լույս 30-ի գիշերը երկարատև մուսոնային անձրևներից հետո չորս ժամվա ընթացքում երեք սողանք է իջել Կերալայի հյուսիս-արևելքի Վայանադի շրջանում: Արտակարգ պատահարի վայրում շարունակվում է որոնողափրկարարական գործողությունը, դրան մասնակցում են զինվորականներ, գործի է դրված ռազմաօդային ուժերի տեխնիկա։ Վայանադի շրջանում սողանքները քանդել են բազմաթիվ տներ, ավերել ճանապարհներ և կամուրջ: