ՀՀ դեսպանը հանդիպել է Ուրուգվայի Ներկայացուցիչների պալատի նախագահի հետ
1 րոպեի ընթերցում
![ՀՀ դեսպանը հանդիպել է Ուրուգվայի Ներկայացուցիչների պալատի նախագահի հետ](http://armenpress.am/resized/480/storage/images/articles/2024/07/30/7UGCwYaf03UBQhI07TSanGOt2xTShRp2tsB9rABx.webp)
ԵՐԵՎԱՆ, 30 ՀՈՒԼԻՍԻ, ԱՐՄԵՆՊՐԵՍ։ Ուրուգվայում Հայաստանի Հանրապետության արտակարգ և լիազոր դեսպան Մարիամ Գևորգյանը հանդիպում է ունեցել Ուրուգվայի Ներկայացուցիչների պալատի նախագահ Անա Օլիվերայի հետ։
«Արմենպրես»-ի հաղորդմամբ՝ այս մասին հայտնում է Ուրուգվայում ՀՀ դեսպանությունը՝ մանրամասնելով, որ հանդիպման շրջանակներում քննարկվել են երկու երկրների միջև պատմականորեն ձևավորված բարեկամական կապերի և միջխորհրդարանական համագործակցության ամրապնդման հեռանկարները:
Հաղորդվում է, որ դեսպան Մարիամ Գևորգյանն ընդգծել է, որ Հայաստանում բարձր են գնահատում Ուրուգվայի օրենսդիր մարմնի անաչառ դիրքորոշումը Հայաստանին վերաբերող թեմաների առնչությամբ և երախտապարտ են այն միասնական բարեկամական կեցվածքի համար, որ մշտապես դրսևորում են ուրուգվայցի խորհրդարանականները: