1 րոպեի ընթերցում
ԵՐԵՎԱՆ, 29 ՀՈՒԼԻՍԻ, ԱՐՄԵՆՊՐԵՍ։ Իրանը Պարսից ծոցում կալանել է մաքսանենգ ճանապարհով նավթ տեղափոխող նավթատար տանկեր։ «Արմենպրես»-ի փոխանցմամբ՝ այս մասին հաղորդում է Mehr լրատվական գործակալությունը։
Ըստ նախնական գնահատականների՝ նավը տեղափոխում էր առնվազն 700 000 լիտր մաքսանենգ նավթ։ Նավթատար տանկերը նրա անձնակազմի 9 անդամների հետ միասին, որոնք Հնդկաստանի քաղաքացիներ են, տեղափոխվել է Իմամ Խոմեյնիի նավահանգիստ։
Mehr-ը նշում է, որ Pearl G անունով նավը հուլիսի 26-ին կալանել են Իսլամական հանրապետության պահապանների կորպուսի (ԻՀՊԿ) ռազմածովային ուժերը։ Տոգոյի դրոշի տակ նավարկող նավը պատկանում է մի իրաքցու, որն ապրում է Դուբայում։
Կատարվում է հետաքննություն։