Գյումրիում կայացել է Silicon Mountains 2024 Shirak տեխնոլոգիական ֆորումը

3 րոպեի ընթերցում

ԵՐԵՎԱՆ, 9 ՀՈՒԼԻՍԻ, ԱՐՄԵՆՊՐԵՍ։ Օրերս Գյումրու Տեխնոլոգիական կենտրոնում  կայացել է Silicon Mountains 2024 Shirak տեխնոլոգիական ֆորումը՝ միավորելով տարբեր ընկերությունների, ստարտափների, թվային լուծումներով հետաքրքրված մասնագետների: Ֆորումի նպատակը տեխնոլոգիական ոլորտի համաչափ զարգացումն է ամբողջ Հայաստանում։

Ֆորումի ընթացքում «Ստարտափները մարզերում» պանելային քննարկման հյուրերի շարքում էր Ակբա Ֆեդերացիայի գլխավոր տնօրենը, ով ներկաներին ներկայացրեց Ակբա բանկի և Ակբա Ֆեդերացիայի ստեղծման պատմությունները։ Ստեղծվելով մոտ 30 տարի առաջ՝ Ակբա բանկն ուներ ընդամենը 8 աշխատակից, իսկ նպատակը գյուղական փոքր տնտեսություններին փոքր վարկեր տրամադրելն էր։ Այժմ բանկը ներկայացված է բոլոր մարզերում, ունի 65 մասնաճյուղ, իսկ աշխատակիցների թվաքանակը գերազանցում է 1700-ը։

Ակբա Ֆեդերացիան հիմնադրումից մինչև այսօր համագործակցել է 53 ստարտափների հետ, որոնց 47%-ը հաջողել ու շարունակել է գործունեությունը, այն դեպքում, երբ համաշխարհային  պրակտիկայում առհասարակ հաջողում են ստարտափների միայն 10%-ը։

«Կարևորությունը կայանում է  նրանում, որ  ստեղծենք միջավայր և հնարավորություններ, որպեսզի  երիտասարդները մնան մարզերում և  տեղում կրթվելով՝ զարգացնեն իրենց  շրջապատը, միջավայրն ու տարածաշրջանը։ Մեր  հիմնական առաքելությունն է կրթել այդ երիտասարդներին,  զարգացնել և տանել առաջ։ Մեզ հետ համագործակցող ստարտափների 47%-ը շարունակում են իրենց գործունեությունն ու քայլում առաջ՝ ներգրավելով բազմաթիվ նոր աշխատակիցների։ Դա նշանակում է, որ գաղափարից գործող բիզնես դառնալուց բացի նրանք նպաստում են նաև նոր աշխատատեղերի ստեղծմանը»,- նշել է Ակբա Ֆեդերացիայի գլխավոր տնօրեն Հարություն Պողոսյանը։

Իր գործունեությամբ Ակբա Ֆեդերացիան մշտապես փորձում է երիտասարդների համար ավելի գրավիչ դարձնել գյուղատնտեսությունը։ Ֆերմերային տնտեսություններում գյուղատնտեսությամբ զբաղվողների տարիքը բարձր է. անհրաժեշտ են թարմ ուժեր և նոր գաղափարներ: 

Ակբա Ֆեդերացիան Ակբա բանկի միակ նշանակալից մասնակիցն է, բանկի բաժնետոմսերում ունի ավելի քան 81 տոկոս մասնաբաժին: Ակբա բանկում ունեցած մասնակցության շնորհիվ Ակբա Ֆեդերացիան նպաստում է Հայաստանի ողջ տարածքում գյուղատնտեսության, գյուղական շրջաններում փոքր և միջին բիզնեսի զարգացմանը, համայնքների զարգացմանը, գյուղական շրջաններում և համայնքներում բիզնես միջավայրի աշխուժացմանն ու զարգացմանը, նշված ոլորտներում ձեռնարկատիրական գործունեություն իրականացնող յուրաքանչյուր անձի բարեկեցության աճին:

Մանրամասները՝ տեսանյութում։

Հայերեն Русский

Դեսպան Մկրտչյանն ու ԱՄՆ Կոնգրեսի Ներկայացուցիչների պալատի անդամները քննարկել են երկկողմ օրակարգի ընթացիկ զարգացումները

Մոսկվան Ուկրաինայի՝ ԵՄ-ին անդամակցությունը կապում է Ռուսաստանի անվտանգության հարցերի հետ

ՀՀ ԿԳՄՍ նախարարն ու Եվրոպական մարմնամարզության պատվիրակությունը քննարկել են Երևանում կայանալիք Եվրոպայի առաջնության նախապատրաստական աշխատանքը

Արմստատն առաջին անգամ հրապարակել է Հայաստանի ստեղծարար տնտեսության վերաբերյալ վիճակագրական տեղեկագիր

«Ուժեղ Հայաստան»-ն արձագանքել է հանրաքվեի վերաբերյալ վարչապետի առաջարկին և հայտնել արտահերթ ընտրությունների գնալու պատրաստակամության մասին

Վրաստանում նոյեմբերի 22-ը սգո օր է հայտարարվել՝ գազի պայթյունի հետևանքով մարդկանց զոհվելու կապակցությամբ

Իրանը հերքել է քիմիական և կենսաբանական զենքի մշակման վերաբերյալ ԱՄՆ-ի մեղադրանքները

ՀՀ փոխվարչապետն ու Չեխիայի դեսպանը քննարկել են առևտրի, տրանսպորտի, հանքարդյունաբերության ոլորտներում իրականացվող ծրագրերի ընթացքը

Ռուբինյանը պարզաբանել է, թե ինչու Սահմանադրությունում Անկախության հռչակագրին հղում ներառելը տրամաբանական չի համարում

Երեխաների իրավունքների պաշտպանության ոլորտում դեռևս կան լուծում պահանջող հարցեր․ ՄԻՊ-ի ուղերձը Երեխաների համաշխարհային օրվա առթիվ