1 րոպեի ընթերցում
ԵՐԵՎԱՆ, 25 ՀՈՒՆԻՍԻ, ԱՐՄԵՆՊՐԵՍ: Հայաստանի Հանրապետության առողջապահության նախարար Անահիտ Ավանեսյանն ահազանգում է կենցաղային այրվածքներով դեպքերի աճի վերաբերյալ:
«Վերջին շրջանում զգալիորեն ավելացել են կենցաղային այրվածքներով դեպքերը: Հայաստանում տարեկան մոտավորապես 3000 կենցաղային այրվածքների դեպք է գրանցվում: 700-800-ը ստացիոնար բուժում է պահանջում, մեծ մասը երեխաներ են»,- «Արմենպրես»-ի փոխանցմամբ՝ «Ֆեյսբուք»-ի իր էջում գրել է նախարարը՝ կից հրապարակելով լուսանկարներ
Առողջապահության նախարարը ծնողներին հորդորել է երեխաների համար ապահովել անվտանգ միջավայր, հեռու պահել նրանց տաքացնող սարքերից ու իրերից: