Հայաստանը որպես ինքնիշխան, ազատ և ժողովրդավար պետություն ամրապնդելը յուրաքանչյուրիս առաքելությունն է․ Տիգրան Ավինյան
1 րոպեի ընթերցում
ԵՐԵՎԱՆ, 28 ՄԱՅԻՍԻ, ԱՐՄԵՆՊՐԵՍ։ Երևանի քաղաքապետ Տիգրան Ավինյանը շնորհավորական ուղերձ է հղել Հանրապետության տոնի առթիվ։ Ինչպես «Արմենպրես»-ին հայտնեցին Երևանի քաղաքապետարանից, ուղերձում ասված է․
«Սիրելի՛ հայրենակիցներ, այսօր նշում ենք հանրապետության տոնը՝ Հայաստանի առաջին հանրապետության հիմնադրման տարեդարձն ու Սարդարապատի, Բաշ-Ապարանի և Ղարաքիլիսայի հերոսամարտերը: Հայաստանը որպես ինքնիշխան, ազատ և ժողովրդավար պետություն ամրապնդելը յուրաքանչյուրիս առաքելությունն է»։
Տիգրան Ավինյանը նաև հայտնել է, որ ավանդույթի համաձայն՝ հայրենիքի համար կարևոր այս օրն անցկացրել է Ապարան քաղաքում: