Գերմանիայում դարձյալ ռազմական տեղեկատվության արտահոսք է տեղի ունեցել
1 րոպեի ընթերցում
![Գերմանիայում դարձյալ ռազմական տեղեկատվության արտահոսք է տեղի ունեցել](http://armenpress.am/resized/480/static/news/b/2024/05/1136345.jpg)
ԵՐԵՎԱՆ, 4 ՄԱՅԻՍԻ, ԱՐՄԵՆՊՐԵՍ։ Համացանցում հայտնվել են բունդեսվերի գաղտնի խորհրդակցությունների տեսաձայնագրությունները։ «Արմենպրես»-ի հաղորդմամբ՝ այդ մասին հայտնում է բրիտանական Express-ը։
Նշվում է, որ ազատ հասանելիության տիրույթում են գերմանական բանակի հազարավոր գաղտնի հանդիպումների մանրամասներ, որոնց հնարավոր է ծանոթանալ առանց որևէ սահմանափակման։ ԶԼՄ-ների տեղեկություններով՝ անվտանգության բացերը վերացվել են միայն մայիսի 3-ի երեկոյան։ Մինչ այդ, գաղտնի (որոշ դեպքերում՝ գերգաղտնի) հանդիպումների հղումները մի քանի ամիս շարունակ եղել են հանրային տիրույթում։
Սա Գերմանիայի զինված ուժերից գաղտնի տեղեկատվության արտահոսքի առաջին դեպքը չէ։ Մարտի 1-ին «Россия сегодня»-ի տրամադրության տակ էր հայտնվել Ղրիմի կամրջին հարվածելու հնարավորության մասին գերմանացի բարձրաստիճան զինվորականների քննարկման ձայնագրությունը։