Ֆրանսիական պաշտպանական ընկերությունները ռազմական տեխնիկա կարտադրեն Ուկրաինայում
1 րոպեի ընթերցում
![Ֆրանսիական պաշտպանական ընկերությունները ռազմական տեխնիկա կարտադրեն Ուկրաինայում](http://armenpress.am/resized/480/static/news/b/2024/03/1132035.jpg)
ԵՐԵՎԱՆ, 8 ՄԱՐՏԻ, ԱՐՄԵՆՊՐԵՍ։ Ֆրանսիան նախատեսում է, որ իր սպառազինությունների որոշ արտադրողներ արտադրեն շատ անհրաժեշտ ռազմական տեխնիկա անմիջապես Ուկրաինայի տարածքում՝ օգնելու երկրին Ռուսաստանի դեմ պատերազմում: «Արմենպրես»-ի հաղորդմամբ՝ այս մասին հայտնում է Reuters-ը՝ վկայակոչելով պաշտպանության նախարար Սեբաստիան Լեկորնունի հայտարարությունը:
«Ֆրանսիական երեք ընկերություն գործընկերային հարաբերություններ կհաստատի ուկրաինական ընկերությունների հետ, մասնավորապես՝ անօդաչու թռչող սարքերի և ցամաքային սարքավորումների ոլորտում՝ ուկրաինական տարածքում պահեստամասերի և, հնարավոր է, ապագայում զինամթերքի արտադրության համար» -ասել է նա: