Պեսկովը վստահ է, որ Ռուսաստանի և Հայաստանի հարաբերություններում առկա բոլոր դժվարությունները կանցնեն
1 րոպեի ընթերցում
ԵՐԵՎԱՆ, 6 ՄԱՐՏԻ, ԱՐՄԵՆՊՐԵՍ: Ռուսաստանի Դաշնության նախագահի մամուլի քարտուղար Դմիտրի Պեսկովը վստահություն է հայտնել, որ Ռուսաստանի և Հայաստանի հարաբերություններում առկա դժվարությունները կհաղթահարվեն և ընդգծել, որ երկու երկրների միջև համագործակցությունը միանգամայն փոխշահավետ է:
«Արմենպրես»-ի հաղորդմամբ՝ այս մասին տեղեկացնում է ՏԱՍՍ-ը՝ մեջբերելով ՌԴ նախագահի մամուլի քարտուղար Դմիտրի Պեսկովի խոսքերը՝ «Գիտելիք․ առաջինները» ուսումնակրթական մարաթոնում ունեցած ելույթից:
«Ամենամոտ հարևանները կարող են ունենալ մի շրջան, երբ հարաբերությունները կարող են սրված լինել, սակայն դրա համար անհրաժեշտ է քաղաքական կամք, ինչը մենք ունենք մեր կողմից, կառուցողականություն և հեռատեսություն, երկու երկրների ղեկավարների քաղաքական հեռատեսությունը. մենք դա ևս ունենք։ Ուստի, վստահ եմ, որ այս բոլոր դժվարությունները կանցնեն, Ռուսաստանի և Հայաստանի համագործակցությունը միանգամայն փոխշահավետ է», - նշել է Պեսկովը։