396.76
Դաշնակիցները Կիևին են փոխանցել ավելի քան 85 մլրդ դոլարի ռազմական օգնություն 2022 թ. փետրվարից ի վեր. Պենտագոն
2 րոպեի ընթերցում
ԵՐԵՎԱՆ, 15 ՓԵՏՐՎԱՐԻ, ԱՐՄԵՆՊՐԵՍ: Ուկրաինայի դաշնակիցները Կիևին ավելի քան 85 միլիարդ դոլարի ռազմական օգնություն են տրամադրել 2022 թվականի փետրվարին Ռուսաստանի կողմից ծավալած ռազմական գործողությունների սկզբից ի վեր։
«Արմենպրես»-ի փոխանցմամբ՝ այս մասին ասված է ԱՄՆ պաշտպանության նախարար Լլոյդ Օսթինի հայտարարության մեջ, որը տարածել է Պենտագոնի մամուլի ծառայությունը` Բրյուսելում Ուկրաինայի հարցով շփման խմբի նիստի արդյունքներով։
«ԱՄՆ-ի գլխավորած պատմական կոալիցիան ամբողջ աշխարհի 50 երկրներից ավելի քան 85 միլիարդ դոլարի ռազմական օգնություն է ուղարկել Ուկրաինային 2022 թվականի փետրվարից ի վեր, երբ (խմբ.` ՌԴ նախագահ Վլադիմիր) Պուտինը սկսեց իր սարսափելի լայնամասշտաբ ներխուժումը։ Փաստորեն, ՀՆԱ-ի տոկոսով արտահայտված՝ մեր 12-ից ավելի դաշնակիցներ ավելի շատ են ներդրումներ կատարում Ուկրաինայի ինքնապաշտպանության համար, քան Միացյալ Նահանգները», - նշել է Օսթինը:
Պենտագոնի ղեկավարը հավելել է, որ հանդիպման հիմնական թեման են դարձել «մարտադաշտում Ուկրաինայի հրատապ կարիքները», ինչպես նաև Ուկրաինայի զինված ուժերի նախապատրաստումը ռուսական ուժերին երկարաժամկետ դիմագրավմանը։
«Մենք Պուտինին թույլ չենք տա հաղթել: Թույլ չեն տա նաև մեր դաշնակիցները և գործընկերները, որոնք այսօր կրկին կանգնել են ուս-ուսի՝ միավորված պրագմատիզմով և սկզբունքներով», - հավելել է նա:
Բաժանորդագրվեք մեր ալիքին Telegram-ում