Սիրիայի վրա Իսրայելի հարձակման հետևանքով իրանցի ռազմական խորհրդական է զոհվել
1 րոպեի ընթերցում
![Սիրիայի վրա Իսրայելի հարձակման հետևանքով իրանցի ռազմական խորհրդական է զոհվել](http://armenpress.am/resized/480/static/news/b/2024/02/1129485.jpg)
ԵՐԵՎԱՆ, 3 ՓԵՏՐՎԱՐԻ, ԱՐՄԵՆՊՐԵՍ: Դամասկոսի արվարձաններում բնակելի թաղամասի վրա իսրայելական հրթիռային հարձակման հետևանքով զոհվել է Իրանի ռազմական խորհրդական: «Արմենպրես»-ի հաղորդմամբ` այս մասին հայտնում է իրանական Mehr գործակալությունը՝ հղում անելով Սիրիայում Իրանի դեսպանության հաղորդագրությանը:
«Իսլամական հեղափոխության պահապանների կորպուսի ռազմական խորհրդական Սաիդ Ալիդադին զոհվել է իսրայելական ռեժիմի կողմից Սիրիայում ավիահարվածների ժամանակ»,-հաղորդում է գործակալությունը:
Ըստ գործակալության աղբյուրների՝ սիրիական հակաօդային պաշտպանության համակարգերին հաջողվել է խոցել իսրայելական մի քանի հրթիռ: