Լավրովը Բայդենին խորհուրդ է տվել Գազայում հակամարտության լուծման համար դադարեցնել ռազմական գործողությունները
1 րոպեի ընթերցում
![Լավրովը Բայդենին խորհուրդ է տվել Գազայում հակամարտության լուծման համար դադարեցնել ռազմական գործողությունները](http://armenpress.am/resized/480/static/news/b/2024/01/1128718.jpg)
ԵՐԵՎԱՆ, 23 ՀՈՒՆՎԱՐԻ, ԱՐՄԵՆՊՐԵՍ: Ռուսաստանի արտգործնախարար Սերգեյ Լավրովը ԱՄՆ նախագահ Ջո Բայդենին խորհուրդ է տվել Մերձավոր արևելքում ճգնաժամի լուծման համար դադարեցնել ռազմական գործողությունները և չկիրառել վետոյի իրավունքը, երբ ՄԱԿ-ի ԱԽ-ում հումանիտար հրադադար հայտարարելու մասին բանաձև է առաջարկվում: «Արմենպրես»-ի հաղորդմամբ՝ այս մասին հայտում է ՏԱՍՍ-ը՝ վկայակոչելով Լավրովի CBS-ին տված հարցազրույցը:
«Դադարեցնել մարտական գործողությունները։ Մի կիրառեք վետոյի իրավունք, երբ առաջարկվում է մարդասիրական հրադադար հայտարարելու բանաձև: Դուք երկու անգամ վետո եք կիրառել: ՄԱԿ -ի անվտանգության խորհրդի կողմից հրադադարի պահանջին որևէ արձագանք չկա», - ասել Է Լավրովը CBS-ին տված հարցազրույցում ՝ պատասխանելով այն հարցին, թե ինչ խորհուրդ կտար ԱՄՆ նախագահին Մերձավոր Արևելքում ճգնաժամը լուծելու համար: