396.76
Իսրայելի բանակը հայտնել է Լիբանանում «Հեզբոլլահ»-ի ռազմական օբյեկտներին պատասխան հարվածների մասին
1 րոպեի ընթերցում
ԵՐԵՎԱՆ, 17 ՀՈՒՆՎԱՐԻ, ԱՐՄԵՆՊՐԵՍ: Իսրայելի պաշտպանության բանակը (ԻՊԲ) հարվածներ է հասցրել Լիբանանում շիաների «Հեզբոլլահ» կազմակերպության ռազմական օբյեկտներին։ «Արմենպրես»-ի փոխանցմամբ՝ այս մասին հաղորդել է ԻՊԲ մամուլի ծառայությունը։
«Իսրայելի պաշտպանության բանակի կործանիչները, տանկերը և հրետանին հարվածներ են հասցրել «Հեզբոլլահ»-ի մի շարք ահաբեկչական և ռազմական օբյեկտների Լիբանանի հարավի Հուլա և Այթա աշ Շաբ բնակավայրերում», - ասվում է հաղորդագրության մեջ:
ԻՊԲ մամուլի ծառայությունում նշել են, որ հունվարի 16-ի ընթացքում «մի քանի արձակումներ են գրանցվել» Իսրայելի հյուսիսի Ռամոտ Նաֆթալիի, Շուշանի, Շտուլայի շրջանների և Մանոր լեռան ուղղությամբ:
«ԻՊԲ-ն հարվածներ է հասցրել այն վայրերին, որտեղից կրակ է արձակվել», - հավելել են զինվորականները:
Բաժանորդագրվեք մեր ալիքին Telegram-ում