Նիկոլ Փաշինյանը Ռոշ Հաշանայի առթիվ շնորհավորական ուղերձ է հղել Հայաստանի հրեական համայնքին
1 րոպեի ընթերցում
![Նիկոլ Փաշինյանը Ռոշ Հաշանայի առթիվ շնորհավորական ուղերձ է հղել Հայաստանի հրեական համայնքին](http://armenpress.am/resized/480/static/news/b/2023/09/1119644.jpg)
ԵՐԵՎԱՆ, 16 ՍԵՊՏԵՄԲԵՐԻ, ԱՐՄԵՆՊՐԵՍ: Հայաստանի Հանրապետության վարչապետ Նիկոլ Փաշինյանը շնորհավորական ուղերձ է հղել Հայաստանի հրեական համայնքին հրեական նոր տարվա՝ Ռոշ Հաշանայի առթիվ:
«Արմենպրես»-ի փոխանցմամբ՝ ուղերձում նշված է.
«Հայաստանի հրեական համայնքի հարգելի՛ ներկայացուցիչներ,
Ջերմորեն շնորհավորում եմ ձեզ հրեական նոր տարվա՝ Ռոշ Հաշանայի առիթով: Թող գալիք նոր տարին Հայաստանի մեր հրեա հայրենակիցների և ամբողջ հրեա ժողովրդի համար լինի խաղաղության, արարման և նոր ձեռքբերումների տարի:
Թող հրեական համայնքը Հայաստանի ամբողջ ժողովրդի հետ միասին երբևէ չբախվի այնպիսի հակամարդկային երևույթների, ինչպիսիք են ազգային և կրոնական խտրականությունը կամ այլամերժությունը: Թող շարունակեն զարգանալ և ավելի ամրապնդվեն հայ և հրեա ժողովուրդների բարեկամությունն ու համագործակցությունը:
Կրկին շնորհավորելով Ռոշ Հաշանայի տոնի առիթով՝ մաղթում եմ ձեզ ամենայն բարիք, առողջություն և բարձր տրամադրություն»: