3 րոպեի ընթերցում
ԵՐԵՎԱՆ, 12 ՀՈՒԼԻՍԻ, ԱՐՄԵՆՊՐԵՍ: Հնդկաստանի հյուսիսում ավելի քան 100 մարդ է զոհվել անձրևների առաջացրած հեղեղումների և սողանքների հետևանքով։ «Արմենպրես»-ի փոխանցմամբ՝ այդ մասին հաղորդում է India Today պարբերականը։
#WATCH | Water level of river Yamuna continues to rise in Delhi. Visuals from Old Railway Bridge.
Today at 8 am, water level of the river was recorded at 207.25 metres at the Bridge, inching closer to the highest flood level - 207.49 metres. The river is flowing above the… pic.twitter.com/e46LLHdeVe
— ANI (@ANI) July 12, 2023
Ամենից շատ տուժել է Հիմաչալ Պրադեշի նահանգը, որը գտնվում է Հիմալայների նախալեռներում: Այստեղ տեղի են ունեցել բազմաթիվ սողանքներ, ջրի տակ են անցել շատ բնակավայրեր։ Նահանգում տարերքի հարվածի հետևանքով զոհվել է մոտ 80 մարդ, անձրևները գործնականում դադարել են, կատարվում են փրկարարական և վերականգնողական աշխատանքներ։
Զոհերից 20-ն էլ Հնդկաստանի հյուսիսային այլ նահանգներում են։
Հյուսիսային նահանգների լեռնային շրջաններում ճանապարհների հեղեղումների պատճառով խաթարվել է ավտոտրանսպորտի երթևեկությունը, ինչի հետևանքով նախկինի նման լեռներում արգելափակված են մոտ 300 զբոսաշրջիկներ։
Սաստիկ անձրևները հանգեցրել են այն բանին, որ հուլիսի 11-ին Դելիում Յամունա գետի ջրի մակարդակը գերազանցել է վտանգավոր շեմը և հասել վերջին տասը տարվա ընթացքում ամենաբարձր նշագծին: Ըստ որում, դա քաղաքում լուրջ ավերածությունների չի հանգեցրել։ Հուլիսի 9-ին Նյու Դելիում գրանցվել է օրական տեղումների` 40 տարվա առավելագույն ցուցանիշը` 153 մմ: Դելիում անձրևների հետևանքով 5 մարդ է զոհվել տարբեր միջադեպերի պատճառով:
Հնդկաստանի հյուսիս-արևելյան շրջաններում հորդառատ տեղումներն սկսվել են հուլիսի 8-ին․ դրանք առաջացել են երկու գործոնների՝ մուսոնային անձրևների և Միջերկրական ծովի տարածաշրջանից խոնավ օդային զանգվածների ներհոսքի համակցությամբ:
#WATCH | Aftermath of the flood that ravaged Manali in Himachal Pradesh due to incessant heavy rainfall in the region. pic.twitter.com/z7dDd5qVSB
— ANI (@ANI) July 12, 2023