Հանրային հեռուստաընկերությունը ներկայացրել է «Եվրատեսիլ 2023» մրցույթում Հայաստանի պատվիրակի օգտին քվեարկելու կարգը
2 րոպեի ընթերցում
ԵՐԵՎԱՆ, 10 ՄԱՅԻՍԻ, ԱՐՄԵՆՊՐԵՍ: Հայաստանը «Եվրատեսիլ 2023» երգի մրցույթում ներկայացնում է երգչուհի Բրյունետը՝ Future Lover երգով: Նա ելույթ կունենա երկրորդ համարի ներքո՝ երկրորդ կիսաեզրափակչում, որը տեղի կունենա մայիսի 11-ին Կենտրոնական Եվրոպայի ժամանակով ժամը 21:00-ին (Երևանի ժամանակով ժամը 23:00-ին):
Մրցույթն ուղիղ կհեռարձակվի Հանրային հեռուստատեսությամբ:
Հանրային հեռուստաընկերությունից «Արմենպրես»-ին հայտնում են, որ Բրյունետի օգտին երևէ երկրում քվեարկելու համար հարկավոր է 02 թիվն ուղարկել այդ երկրում առանձնացված կարճ համարին:
Երկրորդ կիսաեզրափակչում քվեարկում են միայն տվյալ օրը ելույթ ունեցող երկրները՝ Ալբանիան, Ավստրիան, Ավստրալիան, Բելգիան, Կիպրոսը, Դանիան, Էստոնիան, Հունաստանը, Վրաստանը, Իսլանդիան, Լիտվան, Լեհաստանը, Ռումինիան, Սլովենիան, Սան Մարինոն, Մեծ հնգյակից՝ Իսպանիան և Միացյալ Թագավորությունը, ինչպես նաև նախորդ տարվա հաղթող Ուկրաինան: Քվեարկել հնարավոր է նաև աշխարհի այլ երկրներից www.esc.vote կայքի օգնությամբ:
Հայաստանից Բրյունետի օգտին քվեարկել հնարավոր չէ: Այլ մասնակիցների օգտին քվեարկելու համար Հայաստանում գործում է 1004 կարճ համարը:
Քվեարկության կարգի մանրամասներն այստեղ են՝ https://youtu.be/rHgPHHMTVQE
Բրյունետի երգը Եվրատեսիլի YouTube-յան պաշտոնական ալիքում այս տարվա ամենադիտված տեսահոլովակն է` https://youtu.be/Co8ZJIejXBA: