Ըստ ՀՀ ԱԻՆ-ի նախնական տվյալների՝ Երևան-Աբովյան ավտոճանապարհին ՃՏՊ-ի հետևանքով կան տուժածներ

ԵՐԵՎԱՆ, 11 ՀՈՒՆՎԱՐԻ, ԱՐՄԵՆՊՐԵՍ: Ճգնաժամային կառավարման ազգային կենտրոնը հունվարի 11-ին, ժամը 18։36-ին ահազանգ է ստացել,որ Երևան-Աբովյան ավտոճանապարհին տեղի է ունեցել ՃՏՊ։

Ինչպես «Արմենպրես»-ին տեղեկացրին ՀՀ արտակարգ իրավիճակների նախարարությունից, դեպքի վայր են մեկնել ԱԻՆ փրկարար ծառայության Երևան քաղաքի փրկարարական վարչության հրշեջ-փրկարարական ջոկատի մեկ մարտական հաշվարկ ևՓրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական խումբը:

Ըստ ՀՀ ԱԻՆ-ի նախնական տվյալների՝ կան տուժածներ։