Լվովում մեկնարկել է Էրդողան-Զելենսկի հանդիպումը
1 րոպեի ընթերցում
![Լվովում մեկնարկել է Էրդողան-Զելենսկի հանդիպումը](http://armenpress.am/resized/480/static/news/b/2022/08/1090604.jpg)
ԵՐԵՎԱՆ, 18 ՕԳՈՍՏՈՍԻ, ԱՐՄԵՆՊՐԵՍ: Ուկրաինայի Լվով քաղաքում մեկնարկել է Թուրքիայի նախագահ Ռեջեփ Թայիփ Էրդողանի և Ուկրաինայի նախագահ Վլադիմիր Զելենսկու հանդիպումը։
Այս մասին, ինչպես հաղորդում է «Արմենպրես»-ը, հայտնում է թուրքական «Անադոլու» լրատվական գործակալությունը:
Նախ՝ Ռեջեփ Թայիփ Էրդողանը դեմ առ դեմ ձևաչափով բանակցություններ կվարի Վլադիմիր Զելենսկու հետ, իսկ դրանից հետո տեղի կունենա Ուկրաինայի և Թուրքիայի նախագահների և ՄԱԿ-ի գլխավոր քարտուղար Անտոնիո Գուտերեշի եռակողմ հանդիպումը։
Խորհրդակցությունների արդյունքում կկազմակերպվի Թուրքիայի, Ուկրաինայի ղեկավարների եւ ՄԱԿ-ի գլխավոր քարտուղարի համատեղ մամուլի ասուլիսը։
Թուրքիայի նախագահ Ռեջեփ Թայիփ Էրդողանը Լվով է ժամանել Վլադիմիր Զելենսկու հրավերով: