Մեծ Բրիտանիան եւս 1 մլրդ ֆունտ ստեռլինգ գումարի ռազմական օգնություն կհատկացնի Ուկրաինային
1 րոպեի ընթերցում
ԵՐԵՎԱՆ, 30 ՀՈւՆԻՍԻ, ԱՐՄԵՆՊՐԵՍ: Մեծ Բրիտանիան Ուկրաինային լրացուցիչ կհատկացնի 1 մլրդ ֆունտ ստեռլինգ գումարի ռազմական օգնություն: Այդ մասին, ինչպես տեղեկացնում Է «Արմենպրես»-ը, հաղորդել Է Evening Standard թերթը՝ վկայակոչելով Դաունինգ սթրիթի հայտարարությունը:
«Ուկրաինային աջակցելու համար հատկացված գումարն ուղղվելու Է Կիեւի պաշտպանական հնարավորությունների ամրապնդմանը, ներառյալ ՀՕՊ-ի ժամանակակից համակարգերը, անօդաչուները, նոր ինովացիոն սարքավորումը ռադիոԷլեկտրոնային պայքարի համար եւ հազար միավոր կենսականորեն կարեւոր հանդերձանքը ուկրաինացի զինվորների համար»,-ասվում Է հայտարարության մեջ:
Հրատարակությունը նշում Է, որ Մեծ Բրիտանիայի նոր պարտավորությունը Ուկրաինային ցուցաբերվող աջակցության փաթեթի մի մասն Է, որը համաձայնեցվել Է այժմ Մադրիդում անցկացվող ՆԱՏՕ-ի գագաթնաժողովում: Մեծ Բրիտանիայի ընդհանուր տնտեսական եւ ռազմական օգնությունը Կիեւին 2022 թվականին կկազմի 3,8 մլրդ ֆունտ ստեռլինգ, նշում Է թերթը, հաղորդել Է «Ինտերֆաքս»-ը: