1 րոպեի ընթերցում
ԵՐԵՎԱՆ, 2 ՀՈՒՆԻՍԻ, ԱՐՄԵՆՊՐԵՍ: Ճգնաժամային կառավարման ազգային կենտրոնը հունիսի 2-ին, ժամը 15։58-ին ահազանգ է ստացել, որ ԵրևանիՆոր Արեշի 22-րդ փողոցում գտնվող շինություններից մեկի տանիքից ծուխ է նկատվում։
Ինչպես «Արմենպրես»-ին տեղեկացրին ՀՀ արտակարգ իրավիճակների նախարարությունից, դեպքի վայր են մեկնել ԱԻՆ փրկարար ծառայության Երևան քաղաքի փրկարարական վարչության հրշեջ-փրկարարական ջոկատների երկու մարտական հաշվարկ, մեկ ավտոսանդուղք ևՀրդեհաշիջման և փրկարարական աշխատանքների կազմակերպման բաժնի հերթապահ խումբը:
Ըստ աղբյուրի՝ պարզվել է, որ հրդեհը բռնկվել է Նոր Արեշի 22-րդ փողոցի թիվ 65/4 հասցեում գտնվող նորակառույց շենքի տանիքում։
Նշվում է, որ հրդեհը մեկուսացվել է ժամը 16:39-ին, մարվել՝ 16:51-ին: Այրվել է շենքի տանիքի փրփրապլաստը՝ 10 քմ և մասամբ ջերմահարվել՝ 5 քմ: