Միջազգային

Ուկրաինայում հատուկ ռազմական գործողությունը կտեւի մինչեւ նպատակներին հասնելը. Շոյգու

2 րոպեի ընթերցում

 Ուկրաինայում հատուկ ռազմական գործողությունը կտեւի մինչեւ նպատակներին հասնելը. Շոյգու

ԵՐԵՎԱՆ, 1 ՄԱՐՏԻ, ԱՐՄԵՆՊՐԵՍ: Ռուսական բանակը Ուկրաինայում հատուկ ռազմական գործողությունը կշարունակի ընդհուպ մինչեւ նպատակներին հասնելը: Այդ մասին, ինչպես տեղեկացնում Է «Արմենպրես»-ը, հայտարարել Է ՌԴ պաշտպանության նախարար Սերգեյ Շոյգուն՝ հանդես գալով մարտի 1-ին տեղի ունեցած սելեկտորային խորհրդակցության ժամանակ:

Բացելով խորհրդակցությունը՝ նա հիշեցրել Է, որ, «Գերագույն գլխավոր հրամանատարի որոշմանը համապատասխան, փետրվարի 24-ից Ռուսաստանի զինված ուժերը հատուկ ռազմական գործողություն են անցկացնում Դոնբասի բնակչության պաշտպանության, Ուկրաինայի ապառազմականացման եւ դենացիֆիկացման նպատակով»: «Մեզ համար գլխավորը Ռուսաստանի Դաշնության պաշտպանությունն Է ռազմական սպառնալիքից, որն ստեղծվել Է Արեւմուտքի երկրների կողմից, որոնք փորձում են ուկրաինացի ժողովրդին օգտագործել մեր երկրի դեմ պայքարում»,-հայտարարել Է Շոյգուն:

Նա ընդգծել Է, որ հատուկ ռազմական գործողության շրջանակներում «ռուսական բանակը չի բռնազավթում Ուկրաինայի տարածքը, բոլոր միջոցները ձեռնարկում Է խաղաղ բնակիչների կյանքն ու անվտանգությունը պահպանելու համար»: Շոյգուն հայտարարել Է, որ «մարտական բախումների ընթացքում ուկրաինական կողմը չի խորշում խաղաղ բնակիչներին օգտագործել որպես վահան»:

«Համազարկային կրակի ռեակտիվ համակարգերը, զենքերը, խոշոր տրամաչափի ականանետները տեղաբաշխվում են բնակելի շենքերի բակերում, դպրոցների ու մանկապարտեզների մերձակայքում»,-ասել Է նախարարը: Նա անձնակազմին շնորհակալություն Է հայտնել «արիության ու հերոսության, դրված խնդիրների բարեխիղճ եւ պրոֆեսիոնալ կատարման համար», հաղորդել Է «Ինտերֆաքս»-ը:

AREMNPRESS

Հայաստան, Երևան, 0002, Մարտիրոս Սարյան 22

+374 11 539818
contact@armenpress.am
fbtelegramyoutubexinstagramtiktokdzenspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2024 ARMENPRESS

Ստեղծվել է՝ MATEMAT-ում