396.76
Ուկրաինայում ռազմական դրություն մտցնելու հարցով Ազգային անվտանգության խորհրդի նիստ կգումարվի
1 րոպեի ընթերցում
ԵՐԵՎԱՆ, 24 ՓԵՏՐՎԱՐԻ, ԱՐՄԵՆՊՐԵՍ: Ուկրաինայի ազգային անվտանգության ու պաշտպանության խորհուրդը արտակարգ նիստ է գումարելու երկրում ռազմական դրություն մտցնելու նպատակով: «Արմենպրես»-ի փոխանցմամբ, այս մասին հայտնել է «Ռադա» հեռուստաալիքը՝ հղում անելով խորհրդի քարտուղար Ալեքսեյ Դանիլովին:
Վաղ առավոտյան Ռուսաստանի նախագահ Վլադիմիր Պուտինը հանդես էր եկել նոր ուղերձով՝ հայտնելով Դոնբասում հատուկ ռազմական օպերացիա սկսելու որոշման մասին։
«Հանգամանքները մեզնից պահանջում են վճռական ու անհապաղ գործողություններ: Դոնբասի ժողովրդական հանրապետությունները խնդրանքով դիմել են Ռուսաստանին: Դրա հետ կապված որոշում եմ ընդունել հատուկ ռազմական գործողություն իրականացնել»,- հայտարարել է Պուտինը ՌԴ քաղաքացիներին ուղղված հեռուստաուղերձում:
Նա հավելել է, որ Ռուսաստանի պլանների մեջ չի մտնում Ուկրաինայի օկուպացումը, սակայն Ռուսաստանը կձգտի հասնել Ուկրաինայի ապառազմականացմանը։
Բաժանորդագրվեք մեր ալիքին Telegram-ում