Նիկոլ Փաշինյանը հայտարարեց, որ կորոնավիրուսի ալիքը մեկ շաբաթվա ընթացքում կրկին կաճի

ԵՐԵՎԱՆ, 3 ՓԵՏՐՎԱՐԻ, ԱՐՄԵՆՊՐԵՍ: Հայաստանում կորոնավիրուսի համավարակը շարունակում է ծավալվել, ինչը Կառավարության համար ամենևին էլ անսպասելի չէր: Ինչպես տեղեկացնում է «Արմենպրես»-ը, Կառավարության փետրվարի 3-ի նիստում հայտարարեց վարչապետ Նիկոլ Փաշինյանը:

«Վարակման օրական դեպքերի թվերը շարունակական աճում են, այսօր, մասնավորապես, վարակի 4388 նոր դեպք է արձանագրվել: Այս պահի դրությամբ կա 1543 հոսպիտալացված քաղաքացի, որոնցից 256-ը կամ 16.6 տոկոսն է պատվաստված: Այսինքն` ակնհայտ է պատվաստման էական ազդեցությունը գործընթացների վրա»,- նշեց վարչապետը:

Նիկոլ Փաշինյանը հայտարարեց, որ կորոնավիրուսի ալիքը մեկ շաբաթվա ընթացքում կրկին կաճի:

«Ունենք որոշակի ալգոռիթմներ, սակայն հույս կա, որ թվերը մեր կանխատեսած նշաձողից ավելի բարձր չեն լինի: Մենք հիմա միջոցներ ենք ձեռնարկում, որպեսզի պատշաճ ձևով դիմակայենք ալիքին»,- ասաց Փաշինյանը:

Առողջապահության նախարար Անահիտ Ավանեսյանն իր հերթին հավելեց, որ օրական դրական դեպքերի 4 տոկոսը կարիք ունի հոսպիտալացման, իսկ առողջապահական համակարգն, ըստ նախագծված պլանի, անցնում է հոսպիտալային մահճակալների ծավալմանը:

«Այս պահին համակարգը լարված ռեժիմով է աշխատում՝ պատշաճ կերպով կազմակերպելու մեր բնակչության շրջանում վարակի կանխարգելումը, և բժշկական օգնություն տրամադրումը», - նշեց Ավանեսյանը:

Նախարարը նշեց, որ պատվաստումային գործընթացը շարունակվում է, իսկ հիվանդացածների պատվաստումը հետաձգվում է, քանի որ երեք ամիս պետք է անցնի հիվանդալու պահից:

«Այս պահին կորոնավիրուսի դեմ պատվաստանյութի առաջին դեղաչափը ստացել է 18 տարին լրացած քաղաքացիների 46,3 տոկոսը, իսկ ամբողջական պատվաստում է ստացել բնակչության 37 տոկոսը»,- ասաց Ավանեսյանը:

Նիկոլ Փաշինյանը պատվաստման տոկոսը շատ ցածր է համարում՝ նշելով, որ պետք է միջոցներ գործադրվեն, որ պատվաստման թիվն աճի: