1 րոպեի ընթերցում
ԵՐԵՎԱՆ, 28 ՀՈՒՆԻՍԻ, ԱՐՄԵՆՊՐԵՍ: Հայաստանի ֆուտբոլի առաջնությունում կարող է օգտագործվել տեսակրկնապատկերների VAR համակարգը:
«Արմենպրես»-ի հաղորդմամբ`ՀՖՖ համագումարի ժամանակ այս մասին հայտարարել է ՀՖՖ նախագահ Արմեն Մելիքբեկյանը:
«Մենք սկսել ենք տեսակրկնապատկերների VAR համակարգը ներդնելու գործընթացը, որը մոտ 8-10 ամիս կտևի: Գործընթացը բարդ է և կապված է ոչ միայն տեխնիկական հնարավորությունների, այլ նաև մրցավարների վերապատրաստման հետ: Համակարգը կօգնի ավելի լավ անցկացնել առաջնությունները»,-ասել է Մելիքբեկյանը:
Մրցավարների տեսաօգնության համակարգը (կրճատ՝ VAR-ը) թույլ է տալիս մրցավարին որոշումներ ընդունել հանդիպման վիճելի պահերին կրկնապատկերների միջոցով։ 2018 թվականին միջազգային մրցաշարերում պաշտոնապես ընդգրկվել էր Ֆուտբոլի կանոնների մեջ։