«Պատիվ ունեմ» դաշինքը հավանական է համարում «Հայաստան» դաշինքի հետ կոալիցիայի ստեղծումը

ԵՐԵՎԱՆ, 14 ՀՈՒՆԻՍԻ, ԱՐՄԵՆՊՐԵՍ: «Պատիվ ունեմ» դաշինքը հավանական և իրական է համարում «Հայաստան» դաշինքի հետ կոալիցիայի ստեղծումը:

«Արմենպրես»-ի հաղորդմամբ՝ այս մասին «Հայրենիք» կուսակցության անդամ Արսեն Բաբայանն ասաց մամուլի ասուլիսի ժամանակ:

«Ես վստահ եմ, որ այս իշխանություններին հեռացնելու համար մենք դիմելու ենք բոլոր տրամաբանված քայլերին: Իրական եմ համարում «Հայաստան» դաշինքի հետ մեր կոալիցիայի ստեղծումը»,- նշեց Բաբայանը:

Արտահերթ խորհրդարանական ընտրությունները տեղի կունենան հունիսի 20-ին: Ընտրություններին մասնակցում է 25 քաղաքական ուժ՝ 21 կուսակցություն և 4 դաշինք: