«Ալաշկերտ»-ը դարձավ Հայաստանի ֆուտբոլի առաջնության չեմպիոն

ԵՐԵՎԱՆ, 28 ՄԱՅԻՍԻ, ԱՐՄԵՆՊՐԵՍ: Հայաստանի ֆուտբոլի 2020/21 մրցաշրջանի չեմպիոնը Երևանի «Ալաշկերտ»-ն է: «Արմենպրես»-ի հաղորդմամբ՝ առաջնության չեմպիոնը որոշվեց միայն վերջին տուրում: «Ալաշկերտ»-ը մրցեց նախորդ երկու մրցաշրջանների չեմպիոն «Արարատ-Արմենիա»-ի հետ: «Դեղիններին» հաջողվեց հաղթել նվազագույն հաշվով: «Ալաշկերտ»-ը պահպանեց առաջին հորիզոնականը (46 միավոր) և 4-րդ անգամ դարձավ Հայաստանի չեմպիոն:

Վերջին տուրում «Արարատ»-ը 5:2 հաշվով առավելության հասավ «Շիրակ»-ի նկատմամբ: «Նոա»-ն 1:2 հաշվով զիջեց «Վան»-ին, իսկ «Ուրարտու»-ն նվազագույն հաշվով հաղթեց «Փյունիկ»-ին: Առաջնության արծաթե մեդալակիր դարձավ «Նոա»-ն, իսկ «Ուրարտու»-ն՝ բրոնզե մեդալակիր: