Լևոն Տեր-Պետրոսյանը Սերգեյ Կոպիրկինի հետ քննարկել է Հայաստանում տիրող իրավիճակը
1 րոպեի ընթերցում
![Լևոն Տեր-Պետրոսյանը Սերգեյ Կոպիրկինի հետ քննարկել է Հայաստանում տիրող իրավիճակը](http://armenpress.am/resized/480/static/news/b/2021/05/1052351.jpg)
ԵՐԵՎԱՆ, 14 ՄԱՅԻՍԻ, ԱՐՄԵՆՊՐԵՍ։ ՀՀ առաջին նախագահ Լևոն Տեր-Պետրոսյանը մայիսի 14-ին իր առանձնատանը հանդիպել է Հայաստանում Ռուսաստանի Դաշնության արտակարգ և լիազոր դեսպան Սերգեյ Կոպիրկինի հետ: Ինչպես տեղեկացնում է «Արմենպրես»-ը, այս մասին «Ֆեյսբուք»-ի իր էջում գրել է առաջին նախագահի մամուլի խոսնակ Արման Մուսինյանը։
«Հանդիպման ընթացքում տեղի է ունեցել մտքերի փոխանակություն Հայաստանում տիրող ներկա իրավիճակի և հնարավոր զարգացումների շուրջ»,- գրել է Մուսինյանը։