Արայիկ Հարությունյանը Կիչանում մասնակցել է Արմեն Բաղդասարյանի հիշատակին կանգնեցված խաչքարի օծմանը
1 րոպեի ընթերցում
ՍՏԵՓԱՆԱԿԵՐՏ, 9 ՄԱՅԻՍԻ, ԱՐՄԵՆՊՐԵՍ։ Արցախի Հանրապետության նախագահ Արայիկ Հարությունյանը մայիսի 9-ին Մարտակերտի շրջանի Կիչան համայնքում մասնակցել է 2020թ. պատերազմի ժամանակ զոհված ազատամարտիկ Արմեն Բաղդասարյանի հիշատակին կանգնեցված խաչքարի օծման արարողությանը։
Արցախի նախագահը զոհվածի հարազատներին է փոխանցել «Մարտական խաչ» 1-ին աստիճանի շքանշանը, որը հետմահու տրվել է «Կորնետ» հակատանկային համալիրի օպերատոր Արմեն Բաղդասարյանին՝ ցուցաբերած արիության ու դիպուկ խոցումների համար։
«Մեր քրտնաջան աշխատանքով պարտավոր ենք շարունակել զոհված տղաների պայքարը՝ հասնելու մեր համազգային նպատակներին»,- նշել է Արայիկ Հարությունյանը: