Էմիրաթական Կարմիր մահիկը սննդի 260 ծանրոց է տրամադրել Հայաստանում սովորող մուսուլման ուսանողներին
1 րոպեի ընթերցում
ԵՐԵՎԱՆ, 28 ԱՊՐԻԼԻ, ԱՐՄԵՆՊՐԵՍ: Ռամադան ամսվա ամենամյա ծրագրի շրջանակներում Էմիրաթական Կարմիր մահիկ կազմակերպությունը Երևանում ԱՄԷ դեսպանության միջոցով սննդի 260 ծանրոց է տրամադրել Հայաստանի Հանրապետության տարբեր համալսարաններում սովորող մուսուլման ուսանողներին՝ այդպիսով ամրապնդելով նվիրատվության և հանդուրժողականության արժեքները:
Ինչպես «Արմենպրես»-ին տեղեկացրին Հայաստանում ԱՄԷ դեսպանությունից, նախաձեռնությունը նվիրատվության ծրագրի շարունակությունն է, որը մեկնարկել է ապրիլի սկզբից և որի ընթացքում սննդի շուրջ 830 արկղեր են տրամադրվել Հայաստանի տարբեր մարզերի բնակիչներին: