1 րոպեի ընթերցում
ԵՐԵՎԱՆ, 26 ԱՊՐԻԼԻ, ԱՐՄԵՆՊՐԵՍ: Լիբանանի նախագահ Միշել Աունն ապրիլի 24-ին Անթիլիասի Մայրավանքում Հայոց ցեղասպանության սուրբ նահատակների հիշատակին նվիրված պատարագից հետո հեռախոսազրույց է ունեցել Մեծի Տանն Կիլիկիո կաթողիկոս, Ն.Ս.Օ.Տ.Տ. Արամ Առաջինի հետ: «Արմենպրես»-ին այս մասին հայտնեցին Անթիլիասի կաթողիկոսարանի մամուլի ծառայությունից:
Նշվում է, որ Լիբանանի նախագահը զորակցություն է հայտնել հայ ժողովրդին՝ հիշեցնելով, որ Լիբանանի ժոքղովուրդը ևս օսմանյան թուրքերի կողմից ենթարկվել է ջարդի:
Արամ Առաջինի հետ հեռախոսազրույց է ունեցել և նրան զորակցություն հայտնել նաև մարոնիթ եկեղեցու առաջնորդ Րաաի Պատրիարքը
Առաջիկա օրերին Անթիլիասի Մայրավանք կայցելեն Լիբանանի գլխավոր կուսակցությունների պատվիրակություններ՝ Ցեղասպանության 106-րդ տարելիցի կապակցությամբ հայ ժողովրդին զորակցություն հայտնելու համար: